من كتاب فن الحرب تعلمت شغلة وحدة

أحد القواعد الذكرها تشمل عدم محاصرة العدو للدرجة الي يصير ماله أي مهرب ؛ لإن بساعتها حيكون القتال حتى الموت هو خياره الوحيد .. أول مرة قريتها مفهمتها لحد ما صار موقف معين ..

أحد الجيران الجدد خلى الزبالة مالتهم بمكان كلش مجان المفروض يخليها بيه

وعافها وراح، أهل المنطقة شافوها وكالوا هسة نروح نحاجيه لمن لزموا الرجال إسلوب كلامهم كان فظ ومليئ بالغضب والسخط والواحد يكول حقهم لإن مالمفروض يسوي هيج .. بس الغلط هنا هو أنهم حاصروه مثل ما مذكور فوك ؛ وخلوه يتخذ العدوان حله الوحيد ويتعارك وياهم وميصلح غلطه .. لإن لو الي حاجوه إجوه بالعين وأغاتي ونطوه فرصة يصحح خطأه يجوز على الأكثر جان إعتذر بس هو هذا المذكور بالقاعدة

إلي تكدر تستفاد منه أكثر هو أن تطبقها بحياتك الشخصية من الناس حولك تخطأ معك لا تاخذ الإسلوب المحاصر وتكطع عنهم كل طرق الوصل حتى يصححون أخطائهم، لا تحظرهم او تسد الباب بوجهم نهائياً .. اترك مساحة إلهم حتى يعتذرون.

وأكيد هالشي يختلف بإختلاف فعلهم والمدة التنطيها الهم.