مصطلح بالإحصاء يعني " بالنسبة للفرد " تلكوه هواي ينذكر من الناس تحجي عن نسبة جرائم السود بأمريكا بس هواي ميفهموه فكلت خلي اشرحه الأرقام والمثال الحستخدمهن هسة كلهن من جيبي بس حتى توصل الفكرة.

حسب السياق العام النساء أسوا من الرجال بالقيادة بس تجي وحدة وتكول النساء اليقودن أقل عدد بهواي من الرجال والحوادث أكثرها رجال إذا لا الرجال هم أسوأ من النساء بإعتبارهم اكبر المتسببين بحوادث السير .. صحيح؟

لا

للبساطة خلي نفترض عدد السائقين الرجال بالعراق 1 مليون رجل وعدد السائقات من النساء 10 الاف امرأة ونفترض بالسنة يصير 50 الف حادث سير بسبب الرجال بينما يصير 5 الاف حادث سير بسبب النساء فقط هنا الرجال احسن من النساء .. هسة تكلي شلون؟؟ 50 الف هو %5 فقط من عدد السائقين الرجال بينما 5 الاف هو %50 من عدد السائقات النساء!

يعني من بين كل إمرأتين يقودن وحدة حتدزك لشعبة الكسور.